Hönnuði er að finna innan margra starfsgreina sem eiga það sameiginlegt að unnið er með sköpun og hagnýtar lausnir. Starf hönnuða felst í að gera hugmynd að veruleika; móta hugmyndir í átt að framleiðslu ákveðinna afurða. Verkefnin eru gjarnan þau að búa til teikningar eða módel sem aðrir síðan vinna eftir.

Helstu verkefni

Dæmi um svið:

- Arkitektúr
- Fata- og textílhönnun
- Grafísk hönnun
- Iðn- og vöruhönnun
- Innanhússarkitektúr
- Keramík
- Landslagsarkitektúr
- Skartgripahönnun
- Skjáhönnun

Hæfnikröfur

Hönnuðir þurfa að búa yfir ríkri sköpunargáfu, oft innan ákveðinnar atvinnugreinar eða starfssviðs. Í starfi sem hönnuður er einnig mikilvægt að geta hugsað skipulega um hlutverk og notagildi þess sem verið er að vinna að hverju sinni.

Miðstöð hönnunar og arkitektúrs.
Að hluta byggt á Utdanning.no - Designer

Námið

Hönnuðir geta haft ýmiskonar bakgrunn í námi, til dæmis innan lista, handverks eða upplýsingatækni.

Yfirlit námsleiða á Íslandi sem tengjast hönnun er að finna á heimasíðu Miðstöðvar hönnunar og arkitektúrs.

Ekki fyrir þig?

Skoðaðu aðra valmöguleika