Ljósmyndun

Að komast í námið

Nemendur þurfa að hafa lokið skyldunámi í samræmi við Aðalnámskrá grunnskóla.

 

Námið er lánshæft til framfærsluláns og annarra lána hjá LÍN. Eins veita fag- og stéttarfélög oft styrki til náms. Fáðu frekari upplýsingar hjá þínu félagi.

Námsskipulag

Námið skiptist í almennar bóklegar greinar, sérgreinar ljósmyndunar og starfsþjálfun. Nemendur innritast fyrst í sameiginlegt þriggja til fjögurra anna grunnnám upplýsinga- og fjölmiðlagreina og síðan tekur sérhæfing ljósmyndunar við í tvær annir.

Hvar fer námið fram

Nám í ljósmyndun hefur verið kennt við Tækniskólann - skóla atvinnulífsins.

 

Einnig hefur list-ljósmyndun verið í boði hjá Fjarmenntaskólanum og Ljósmyndaskólinn, sem er sérskóli á framhaldsskólastigi, hefur lagt áherslu á tæknilegar hliðar ljósmyndunar.

Að námi loknu

Að námi og starfsþjálfun lokinni er möguleiki að fara í sveinspróf sem veitir rétt til starfa í greininni ásamt inngöngu í nám til iðnmeistaraprófs. Einnig er hægt að ljúka viðbótarnámi til stúdentsprófs.